Búfelagsskapurin Karlamagnusarbreyt 34

Málbólkur: Menningartarn.

Pláss: 11.

Slag av bústaði: Búfelagsskapur.

Í búfelagsskapinum er pláss til 11 fólk, ið hava hvør sína íbúð. Í búfelagsskapinum er felagsrúm við køki og starvsfólkarúmi.

Arbeiðið á Karlamagnusarbreyt leggur dent á at menna førleikarnar hjá fólkunum, soleiðis at tey kunnu liva eitt so sjálvbjargið lív, sum til ber. Somuleiðis verður dentur lagdur á at hava ávirkan á og ábyrgd av egnum viðurskiftum í gerandisdegnum.

Gerandisdagar kunnu fólkini vera í skúla, til arbeiðis ella á virknis- ella verkstaðstilboði.

Í frítíðini kunnu tey ganga til ymiskt frítíðarvirksemi og koma saman við øðrum í t.d. frítíðarklubba, í kvøldskúla og ymiskum ítrótti.