Verkstaðurin á Brekku

Málbólkur: Fólk við sálarligum ella likamligum breki.

Slag av tænastu: Virknistænasta.

Verkstaðið á Brekku er partur av Virkniseindini í Trivnaðardeplinum. 

Endamálið er at geva fólkið, sum ikki kunnu røkja arbeiði á arbeiðsmarknaðinum undir vanligum treytum, eitt innihaldsríkt arbeiðstilboð undir vardum umstøðum.

Tænastan verður veitt vaksnum við menningartarni

Á verkstaðnum verður dentur lagdur á:

• at skapa karmar, ið tryggja ein virknan og innihaldsríkan gerandisdag og eitt virkið sosialt og sjálvstøðugt lív, sum er hóskandi til menningar- og førleikastøði hjá tí einstaka
• at bjóða góðar og mennandi arbeiðsuppgávur
• at virka fyri trivnaði og samansjóðing í gerandisdegnum

Á Verkstaðnum eru tríggjar deildir: timburdeild, seymideild og ítrivsdeild. Á Verkstaðnum verður framleitt ymiskar vørur, sum verða seldar í sølubúðini á staðnum. Eisini verða framleiddar vørur til ymiskar fyritøkur.

Skipa verður fyri jólasølu á hvørjum ári.

Sølubúðin er opin gerandisdagar kl. 9:00 – 15:30. Eisini hevur verkstaðið eina Facebook síðu, har vørur verða vístar.

Tilboðið er opið gerandisdagar kl. 8:30 – 15:30, tó týsdag kl. 8:30 – 13:30.