Asta Marjunardóttir nýggjur depilsstjóri í Almannaverkinum
Trivnaðardepilin fyri fólk við likamligum breki er nýggjur depil í Almannaverkinum, sum savnar allar tænastur, ið fevna um likamlig brek og røkt fyri børn, ung og borgarar við ellisbreki, menningartarni og seinheilaskaða.
Trivnaðartænastur til fólk við likamligum breki er ein vaksandi bólkur í Almannaverkinum og tískil hevur Almannaverkið seinastu tíðina arbeitt við tillagingum í stovninum. Trivnaðardepilin fyri fólk við likamligum breki fevnir um tríggjar eindir og umleið 300 starvsfólk.
Asta Marjunardóttir er í dag sett í starv sum depilsstjóri fyri áðurnevnda depil, og hon tekur við starvinum 1. juli 2021.
Asta Marjunardóttir er 54 ára gomul, útbúgvin sjúkrarøktarfrøðingur, hevur diplom í leiðslu, psykoterapeutútbúgving, og er í holt við at gera seg lidna við masterútbúgving í leiðslu á Syddansk Universitet. Asta Marjunardóttir hevur drúgvar starvsroyndir á Ríkissjúkrahúsinum og Landssjúkrahúsinum, har hon eitt nú hevur verið deildarleiðari á B8 og depilsleiðari á Skurð- og Bráðdeplinum.
Seinastu 4 árini hevur Asta Marjunardóttir verið eindarleiðari innan eldraøkið í Tórshavnar Kommunu.
Uppgávan hjá Astu Marjunardóttir verður at skipa og leiða trivnaðarøkið, at mynda trivnaðardepilin fyri fólk við likamligum breki, og at flyta Almannaverkið inn í framtíðar røktarfakligar og tøkniligar arbeiðshættir.
- Vit eru fegin um at fáa ein depilsstjóra við so nógvum royndum innan økið, sum Asta Marjunardóttir hevur, sigur Edvard Heen, stjóri í Almannaverkinum.
Almannaverkið
- Almannaverkið brúkar "Mínboks"Mikudagur 28-02-2024Hevur tú fingið tær Vangan og "Mínboks", kanst tú rokna við, at brøv frá Almannaverkinum verður send til "Mínboks". Tað hevur tí stóran týdn
- OrkuískoytiHósdagur 15-02-2024Nú nú kunnu húski við lágari inntøku og lítlari ogn søkja um orku ískoyti. Umsóknarblað finst her! Avgerð um rættin til orkuískoyti er grund
- Innbjóðing til móttøku í nýggja bú- og umlættingardeplinum við Sílá á TvøroyriMánadagur 05-02-2024Nýggi bú- og umlættingardepilin við Sílá á Tvøroyri er liðugur, og í tí sambandi verður bjóðað til almenna móttøku við Sílá 28 mikudagin,