Broyting í treytunum fyri forskotsrindan av barnagjaldi og veitan av serligum barnaískoyti til einsamallar uppihaldarar
Broyting í treytunum fyri forskotsrindan av barnagjaldi og veitan av serligum barnaískoyti til einsamallar uppihaldarar - Javnseta fastan bústað í danska ríkinum í 3 ár við danskan ríkisborgararætt
Ein av treytunum fyri at fáa forskotsrindað barnagjald ella rætt til serligt barnaískoyti til einsamallar uppihaldarar er, at barnið ella tann sum hevur foreldramyndugleikan yvir barninum er danskur ríkisborgari, er fevndur av einum sáttmála um rindan av slíkum gjøldum, t.d. norðurlendska sáttmálanum um sosiala hjálp og tænastur ella er javnsettur við persónar við donskum ríkisborgararætti.
Við gildi frá 14. mai 2019 eru persónar, sum hava havt fasta bústað í danska ríkinum, t.e. í Danmark, Føroyum ella Grønlandi seinastu trý árini, javnsettir við persónar við donskum ríkisborgararætti. Hetta merkir, at um tú ikki er danskur ríkisborgari, og ikki er fevnd/-ur av einum sáttmála um slík gjøld, hevur tú rætt til forskotsrindan av barnagjaldi og serligum barnaískoyti til einsamallar uppihaldarar, um tú hevur havt fastan bústað í Danmark, Føroyum ella Grønlandi seinastu trý árini og annars lýkur treytirnar fyri at fáa hesar veitingar.
- Almannaverkið brúkar "Mínboks"Mikudagur 28-02-2024Hevur tú fingið tær Vangan og "Mínboks", kanst tú rokna við, at brøv frá Almannaverkinum verður send til "Mínboks". Tað hevur tí stóran týdn
- OrkuískoytiHósdagur 15-02-2024Nú nú kunnu húski við lágari inntøku og lítlari ogn søkja um orku ískoyti. Umsóknarblað finst her! Avgerð um rættin til orkuískoyti er grund
- Innbjóðing til móttøku í nýggja bú- og umlættingardeplinum við Sílá á TvøroyriMánadagur 05-02-2024Nýggi bú- og umlættingardepilin við Sílá á Tvøroyri er liðugur, og í tí sambandi verður bjóðað til almenna móttøku við Sílá 28 mikudagin,