Bústovnarnir í Almannaverkinum virka sum vanligt

Hósdagur 12-03-2020

Almannaverkið hevur ábyrgdina av 250 borgarum, sum búgva á bústovnum hjá Almannaverkinum. Til ber ikki at stongja hesar bústovnar, og tískil heldur virksemið fram sum vanligt. Í ávísum førum er neyðugt at skipa fyri serligum bráðfeingis loysnum.

Fyri at tryggja bústovnarnar best møguligt móti smittu, setir Almannaverkið serligar fyriskipanir í verk, sum tryggja stovnunum neyðuga talið av starvsfólkum, eisini um borgari ella starvsfólk á onkrum stovni verður smittað. Fyri at byrgja fyri smittubreiðslu sleppa avvarðandi og onnur ikki á vitjan á bústovnunum næstu tvær vikurnar. 

Almannaverkið kunnar regluliga á heimasíðuni av.fo og á Facebooksíðu stovnsins um tiltøkini og møguligar broytingar í tiltøkunum móti smittubreiðslu.

Til ber at seta seg í sambandi við Almannaverkið umvegis teldupost á av@av.fo ella á telefon 360000, um ein hevur tørv á bráðfeingis veiting ella tænastu.

Seinastu tíðindi