
Bygnaðarbroyting í Almannaverkinum
Almannaverkið hevur í dag kunngjørt eina bygnaðarbroyting í stovninum, sum minkar ovasta leiðslubólkin úr sjey fólkum niður í fýra. Broytingarnar í bygnaðinum eru í Trivnaðardeplinum, sum frá 1. januar komandi ár verður skipaður undir einum trivnaðarstjóra.
Higartil hava verið tríggir trivnaðarstjórar. Ingun Mohr Jacobsen, Hermann Mortensen og Asta Marjunardóttir.
Asta Marjunardóttir verður nýggjur trivnaðarstjóri í Almannaverkinum, meðan Hermann Mortensen fer í annað starv uttan fyri stovnin, og Ingun Mohr Jacobsen fer í nýtt starv á Fakdeildini í Almannaverkinum.
Bygnaðarbroytingarnar í Trivnaðardeplinum smalka ovastu leiðsluna, meðan leiðslan tættari at borgaranum verður styrkt. Trivnaðardepilin hevur higartil verið skipaður við 13 eindum og frá 1. januar 2023 verður talið av eindum skorið niður í seks.
Eindirnar í Trivnaðardeplinum fara frá talheitum til heiti, sum umboða fakliga innihaldið. Nýggju eindirnar í Almannaverkinum eru:
- Virknistænastur
- Menningartarn
- Autisma
- Likamligt brek
- Sosialpsykiatri
- Barnavernd AV
Endamálið við bygnaðarbroytingini er at styrkja og savna fakligu økini, styrkja um leiðsluna tættari at borgaranum og at skapa ein bygnað, sum hevur færri markamót og størri gjøgnumskygni. Til gagns fyri borgara og starvsfólk.
Eingin leiðari verður sagdur úr starvi í sambandi við bygnaðarbroytingina, men fleiri leiðarar fáa broytt starvsøki og ein nýggjan leiklut í leiðslubygnaðinum.
- Nýggju landsstýrisfólkini vitjaðu AlmannaverkiðMikudagur 04-01-2023Mikudagin 4. januar hevði Almannaverkið vitjan av teimum báðum landsstýrisfólkunum, sum Almannaverkið fer at samstarva við. Sirið Stenberg e
- Upplatingartíðir um jóla- og nýggjárshøgtíðinaSunnudagur 01-01-2023Frá týsdegnum 27. desembur og til og við fríggjadagin 30. desembur er móttøkan í Tórshavn opin kl. 10 - 12. Deildirnar í Klaksvík, Runavík o
- Almannaverkið luttekur á Jobmatch 2022Hósdagur 22-12-2022Almannaverkið er eitt av Føroya størstu arbeiðsplássum við 1100 fólkum í starvi. Hjá okkum eru fleiri ymisk starvsøki, eitt nú innan tað nám