Hermann Mortensen, depilsstjóri, fer nýggjar leiðir

Hermann Mortensen, depilsstjóri í Trivnaðardeplinum fyri fólk við sálarsjúku og autismu, hevur valt at taka av nýggjum avbjóðingum.

Hann byrjar í starvi sum leiðari fyri ítróttaranleggið hjá Tórshavnar kommunu.

Seinastu 20 árini hevur Hermann starvast á trivnaðarøkinum, bæði sum starvsfólk og sum leiðari á samdøgurstovnum og stuðulsfyriskipanum. Seinastu sjey árini hevur hann verið depilsstjóri í Trivnaðardeplinum.

Hermann heldur fram í depilsstjórastarvinum til 1. oktober 2022.

Almannaverkið takkar Hermanni fyri tíðina og ynskir honum blíðan byr í nýggja starvinum.