Innbjóðing til móttøku í nýggja Kvíggjartúni á Argjum

Kvíggjartún á Argjum er klárt at flyta inn í. Kvíggjartún er karmur um bú-, frítíðar- og umlættingartilboð til børn og ung við autismu. 

Í tí sambandi verður bjóðað til almenna móttøku í Kvíggjartúni 7

fríggjadagin, tann 19.01.2024, kl 15.00.

Á skránni verða røður og sangframførsla. Ein góður drekkamuður verður eisini at fáa.

Móttøkan byrjar kl 15.00, men húsið verður opið fyri almenninginum frá kl. 13.00 til kl. 17.30 hendan dagin, og øll eru hjartaliga vælkomin inn á gólvið.

Kvíggjartún er til børn og ung við autismu. Húsið er í trimum eindum, við seks búplássum, seks umlættingarplássum og einum frítíðartilboði.

Sirið Stenberg, landsstýriskvinna, fegnast um nýggja Kvíggjartún og um, at børn og ung við autismu nú kunnu fáa bústað, umlætting og frítíðartilboð í góðum umstøðum í dagligdegnum.

Verið hjartaliga vælkomin.