Kunning – sóttarhald gevur ikki rætt til sjúkradagpening

Kunning – sóttarhald gevur ikki rætt til sjúkradagpening

Í sambandi við at korona aftur er farin at gera um seg, skal Almannaverkið gera vart við, at serskipanirnar í dagpeningalógini, sum vóru partur av hjálparpakka I, eru farnar úr gildi 30. juni 2020.

Tað merkir, at løntakarar, sum fara í sóttarhald eftir tilmæli frá heilsumyndugleikunum, hava ikki rætt til dagpening vegna sjúku. Løntakari, sum gerst sjúkur av korona, og ikki hevur rætt til løn undir sjúku, kann framvegis søkja um sjúkradagpening sum vanligt.

Skipanin, ið gevur arbeiðsgevarum á privata arbeiðsmarknaðinum, sum rinda løn til starvsfólk, ið ikki kunnu arbeiða orsaka av korona sjúku ella sóttarhaldi, rætt til at fáa lønarútreiðslur endurrindaðar, er somuleiðis farin úr gildi.