![](https://av.cdn.fo/savn/qjjnh5qe/dscf3851f.jpg?width=1182&height=555&mode=crop&rmode=crop&s=DlILQwaWF9Pk8YDId0AtRbZsJ4c)
Kunning um nýggja bygnaðin í Trivnaðardeplinum
Frá 1. januar 2023 tekur nýggi bygnaðurin í Trivnaðardeplinum við. Trivnaðardepilin verður savnaður undir einum trivnaðarstjóra við seks eindum, ið fáa heiti eftir fakliga innihaldinum. Asta Marjunardóttir verður nýggjur trivnaðarstjóri.
Bygnaðarbroytingin hevur trý høvuðsendamál:
• Leiðslan tættast at borgarum og starvsfólki verður styrkt, meðan ovasta leiðslan smalkar.
• Fakligu økini skulu savnast og styrkjast.
• Størri gjøgnumskygni og færri markamót til gagns fyri borgarar og starvsfólk.
Nýggi bygnaðurin í Trivnaðardeplinum er nú endaliga staðfestur, og seks nýggj leiðslutoymi eru sett. Nýggju leiðslutoymini eru samansett av dugnaligum fólkum við nógvum fakligum innliti og góðum leiðsluroyndum. Niðanfyri er yvirlit yvir nýggja bygnaðin:
Broytingar í samsvari við virði og yvirskipaðu mál Almannaverksins
Bygnaðarbroytingin í Trivnaðardeplinum stuðlar undir endamál, stremban, virðini og yvirskipaðu málini hjá Almannaverkinum. Samanumtikið metir leiðslan, at broytingarnar við sterkari leiðslu nærri at borgaranum og starvsfólkunum, savnaði og styrkt faklig øki, og at ovasta leiðslan smalkar, tilsamans styðja undir felags virði okkara:
• Vit leggja dent á yrkisdugnaskapin
• Vit betra um gjøgnumskygnið
• Vit betra um trivnaðin
• Vit tendra fyri eldhuginum
• Vit tryggja javnvirðið
Bygnaðarbroytingarnar hava eisini í hyggju at koma nærri at yvirskipaðu málunum um størri opinleika og skynsaman rakstur.
Vinarliga
Edvard Heen,
stjóri
- Upplatingartíðir í summarfrítíðiniMikudagur 17-07-2024Í summarfrítíðini frá 15. juli til 9. august er avgreiðslan í Tórshavn opin millum kl. 10 og 12 og avgreiðslunar í Klaksvík, Runavík og á Tv
- Heimaráðgeving víðkar sítt virksemiTýsdagur 18-06-2024Nú ber eisini til hjá foreldrum, ið hava barn við menningartarni og/ella likamligum breki at fáa Heimaráðgeving. Í samrøðu verður funnið fra
- Móttøka í nýggja Sambýlinum Reynstún á Argjum 17. juniMikudagur 12-06-2024Við hesum verður bjóðað til almenna móttøku í nýggja Sambýlinum Reynstún á Argjum mánadagin, tann 17.06.2024 kl. 15.00. Sambýlið Rey