Stuðul til uppihaldspening
Endurgjald fyri goldin barna- og hjúnafelagagjøld
Er tær álagt at gjalda uppihaldspening, kanst tú fáa stuðul til uppihaldspening. Tað er Familjufyrisitingin ella samsvarandi útlendskur myndugleiki, sum ásetir gjaldsupphæddina.
Stuðul til barnagjald og hjúnafelagagjøld steðgar 1. januar 2025
Lógin um stuðul til uppihaldspening er farin úr gildið 1. januar 2025.
Seinasta freist at søkja um stuðul til uppihaldspening fyri ár 2024 er 1. juli 2025.
Talan skal vera um uppihaldspening, til børn undir 18 ár, sum tú ikki býrt saman við, og sum tú ert álagdur at gjalda við gjaldsavgerð frá familjufyrisitingini ella samsvarandi útlendskum myndugleika.
Peningurin skal vera goldin, áðrenn tú kanst søkja um stuðul.
Árliga stuðulsupphæddin er 40 % av tí barnagjaldi, sum tær er álagt at gjalda.
Stuðul til uppihaldspening til børn verður bert veittur fyri goldnu upphæddina, sum fer upp um vanliga árliga gjaldið fyri eitt barn. Upphædd fyri vanligt barnagjald sæst her. Stuðul verður sostatt ikki veittur, um tú bert rindar vanligt barnagjald til eitt barn.
Seinasta freist fyri umsókn um stuðul til uppihaldspening fyri barnagjald goldið í 2024 er 1. juli 2025.
Tú kanst søkja um stuðul til uppihaldspening vegna hjúnafelaga, ið tú ert skildur ella sundurlisin frá. Hjúnaðafelagagjaldið skal verða álagt við gjaldsavgerð frá familjufyrisitingini ella samsvarandi útlendskum myndugleika.
Peningurin skal vera goldin, áðrenn tú kanst søkja um stuðul.
Stuðul til uppihaldspening til hjúnafelaga er 40 % av tí upphædd, sum tær er álagt at gjalda.
Seinasta freist at søkja um stuðul til uppihaldspening fyri hjúnafelagagjald goldið í 2024 er 1. juli 2025.